ЗАМОНАВИЙ ЎЗБЕК НАСРИДА БАДИИЙ ДЕТАЛ МАСАЛАСИ

Abstract

Бугунги ўзбек насри ҳар жиҳатдан янгиланишлар ва турли услубий изланишлар устида
иш олиб бормоқдаки, бунинг натижаси ўлароқ, ўзбек адабиёти янги-янги ижод
намуналари, адабиётимиз ривожига хизмат қиладиган дурдона асарлар билан бойимоқда.
Хусусан, Назар Эшонқул ижоди, жумладан, қисса ва ҳикоялари ана шу изланишлар
самараси ўлароқ, адабиётга янгича руҳ, янгича бадиий талқин усулини олиб кирди, деб
бемалол айтиш мумкин. Ёзувчи ўз асарларида қаҳрамонлар ички дунёси, руҳиятини
очишга алоҳида эътибор қаратадики, бу адиб услубини, индивидуаллигини белгилашда
ғоят муҳим ва салмоқли роль ўйнайди. Бир сўз билан айтганда, руҳият тасвири Назар
Эшонқул ижодининг асосини ташкил қилади.